ស្រីស្អាត មីណា ជាតារាស្រីស្រករក្រោយក៏ពិតមែន តែកំពុងតែផ្ទុះការចាប់អារម្មណ៍ និងមានការគាំទ្រខ្លាំងមែនទែន ជាមួយទេពកោសល្យចម្រុះរបស់នាង ជាពិសេសនោះគឺជំនាញខាងក្បាច់រាំនឹងតែម្ដង។
ស្រីស្អាតរូបនេះ មួយរយៈចុងក្រោយនេះឃើញថា ពិតជាមានការមមាញឹកមែនទែនដែលតែងតែឃើញចូលរួមកម្មវិធីជាច្រើន ដូចជា តាមទូរទស្សន៍ និងតាមបណ្ដាខន់សឺតផ្សេងៗ។
ជាក់ស្ដែងកាលពីថ្មីៗនេះ តារាស្រីឃ្យូតរូបនេះ បានចូលរួមកម្មវិធី Freshly Happy Concert នៅស្ថានីយទូរទស្សន៍ PNN ដែលនាងបានសម្ដែងក្បាច់រាំកូរសាហាវតែម្ដងពិតជាគួរអោយស្រលាញ់ណាស់។
ពេលនោះពិធីការនីទាំងពីរបានអោយមីណាជួយបង្រៀនរាំមួយក្បាច់ ដែលធ្វើអោយកក្រើកឆាកតែម្ដងជាមួយការចាក់ក្បាច់លេងស្ទីលរបស់នាងឡូយមែនទែន។
ក្នុងនោះដែរ រាល់កម្មវិធីដែល កញ្ញា មីណា ចូលរួមគឺតែងតែធ្វើអោយអ្នកគាំទ្រសប្បាយរីករាយហ៊ោគ្រប់ៗគ្នាជាមួយនឹងភាពរួសរាយទាក់ទាញគួរអោយស្រលាញ់របស់នាង។ បើចង់ដឹងថា មីណា រាំកូរសាហាវយ៉ាងណា? តោះចូលទស្សនាវីដេអូខាងក្រោមទាំងអស់គ្នា៖
ប្រភព៖ poraman
