ប្រិយមិត្តជាច្រេីនប្រាកដជាបានស្គាល់ច្បាស់រួចមកហេីយ អ្នកនាង ដេនី ក្វាន់ គឺជាតារាសម្តែងដ៏សុិចសុី និងមានរូបសម្រស់ស្រស់ស្អាតគួរឲ្យចាប់អារម្មណ៍។ ក្រៅពីអាជីពជាអ្នកសិល្បៈ តារាស្រីរូបនេះ ក៏មានមុខជំនួញផ្ទាល់ខ្លួនជាច្រើនផងដែរ ដែលធ្វើឲ្យរូបនាងរស់នៅក្នុងភាពហុឺហា មានផ្ទះធំ មានរថយន្តទំនើប និងមានលុយចាយពេញៗដៃ។
យ៉ាងណាមិញ កាលពីពេលថ្មីៗនេះ អ្នកនាង ដេនី ក្វាន់ បានទម្លាយនូវរូបភាពមួយសន្លឹកកាលពីខ្លួននៅក្មេង ដែលធ្វើឲ្យមហាជនជាច្រើនមានការចាប់អារម្មណ៍ ក៏ដូចជាភ្ញាក់ផ្អើលជាខ្លាំង ខណៈដែលមេីលទៅគឺមានភាពខុសស្រឡះដាច់ពីគ្នាតែម្តង មិនថាតែពណ៌សម្បុរ ទម្រង់មុខ និងរូបរាងនោះទេ។
ក្នុងនោះដែរ អ្នកនាង ដេនី ក្វាន់ ក៏បានមានការរៀបរាប់ឲ្យដឹងថា៖«មើលទៅដូចមនុស្សពីរផ្សេងគ្នា ទាំងដែលការពិតជាមនុស្សតែមួយទេ នេះហើយឥទ្ធិពលនៃការវះកាត់កែសម្ផស្ស ពីមុនគេហៅអូនតែមីខ្មៅ មីច្រមុះកំពិត ឥលូវមិនដូចពីមុនទេ អូនស្អាតហើយ សំរាប់បងប្អូនចង់កែសម្ផស្ស មករកដេននីក្វាន់មក ដឹងតែមិនខុសចិត្តទេ»។
សូមជម្រាបថា អ្នកនាង ដេនីន ត្រៀមនឹងបេីកដំណើរការហាងកែសម្ផស្សរបស់ខ្លួនក្នុងពេលឆាប់ៗនេះ ដោយមានការបញ្ចុះតម្លៃ ៥០ភាគរយ គ្រប់សេវាកម្ម គ្រប់មុខសម្រាប់ ១០០នាក់ដំបូង៕
